López/de Ca...: Las Siete Partidas.

 Legal

Ley. I. Que quiere dezir Obispo, o Perlado, e q̃ logares tienen los Obiſspos en ſsanta Egleſsia.

PErlado tanto quiere dezir como adelantado en ſsanta egleſsia: e deſstos ſson los mas hõrrados los obiſspos f que maguer ha Papa, e Patriarchas, e |
p. 33r
Arçobiſspos e primados, ſsegun dize adelante: pero todos eſstos ſson Obiſspos, co mo quier que ayan los nomes departidos. E obiſspo, tanto quiere dezir, como guardador a. Ca ſsin dubda ellos ſson pueſstos para guardar la fe catholica, por que tienen logar de los Apoſstoles b: e han aquel poder miſsmo que nueſstro ſse ñor IESV Chriſsto dio a los Apoſstoles, quando les dixo. Quanto ligardes en la tierra, ſsera ligado en el cielo: e quanto abſsoluierdes en la tierra, ſsera abſsuelto en el cielo. E porende ſson aſssi como pilares en ſsanta Egleſsia ſsobre que ſse ſsufre la fe: ca ellos ſson tenudos mas que otros perlados, de predicar c e demõſstrar la a las gentes, e defender la por razon, a los herejes d, e a todos aquellos que la quieren contrallar: e por eſsſso les dixo e, Voſsotros ſsoys la luz del mundo. Ca anſsi como la luz alumbra e faze ver a los que eſstan en tiniebla: aſssi la predicacion demueſstra, e faze entender la verdad a los que la non ſsaben. E avn les dixo otra palabra, Vos ſsoys ſsal de la tierra. Ca aſssi como la ſsal f da mejor ſsabor a las co ſsar, a que la meten, e las guarda que ſse non dañen, nin ſse fagan en ellas guſsanos, e ſsi los falla fechos mata los. Otro ſsi, las palabras de Dios dan a los omes ſsabor de amarle, e de guardar ſse de fazer mal, e matan, que non dexan criar los herejes, e aquellos que quieren dañar la Egleſsia. E por eſste poder que dio Dios a los Apoſstoles en que les moſstro tan grande amor que les dixo, g que non eran ya ſsieruos mas amigos: e que non eran hueſspedes, nin a venedizos h mas ante eran de ſsu caſsa, como aquellos a quien dio poder de ſsaber las poridades de ſsus fechos: e por eſsſso les dixo i, A vos es dado poder de conoſscer, e de entender complidamente las fuerças de las palabras de Dios. E porende deuemos tener a los Obiſspos por ſsantos, e obedeſscer los, e honrrar los, como aquellos que tienen logar de los Apoſstoles.
Loading...